Vlasti Bolivije zaplijenile su gotovo 8,8 tona kokaina u oblasti Oruro na zapadu zemlje, rekli su zvaničnici.
Procjenjuje se da je vrijednost droge oko 224 miliona dolara, a njena destinacija bila je Holandija.
Ministar u Vladi Bolivije Eduardo del Kastiljo rekao je da je zaplijenjeno osam tona i 776 kilograma kokaina, a da je droga bila sakrivena u drvenim pločama koje se koriste u građevinskoj industriji, objavio je medijski portal Bolivije “La razon”.
#Seguridad | Fiscalía de #Oruro abrió una investigación contra tres bolivianos y un colombiano, por el delito de tráfico de sustancias controladas. Los aprehendidos intentaron sacar más de 8 toneladas de cocaina camufladas como barniz en tablones de madera con destino a Bélgica. pic.twitter.com/UWdOv2LW6B
— Contacto Bolivia (@ContBolivia) January 5, 2024
On je dodao da su četiri osobe uhapšene u vezi sa ovim slučajem, od kojih su tri državljani Bolivije, a jedna Kolumbije.
Del Kastiljo je rekao da je umiješano još ljudi, ali nije iznio detalje, jer je istraga u toku.
Ploče je izvozila kompanija “Maeksa SRL”, čiji je vlasnik Danijel L.J. već priveden.
