Za otkidanje i uništavanje zaštićene vrsete tulipana nazvane “Tulipa orphanidea” predviđena je novčana kazna od 42.479 lira (oko 10.876 evra).

Ova vrsta raste u Nacionalnom parku planine Spil, u turskoj provinciji Manisa, a počela je da cvjeta porastom temperatura. Turske vlasti su preduzele mjere zaštite ove vrste cvijeća, čije je razmnožavanje ugroženo jer im nesavjesni građani kidaju cvjetove i iskopavaju lukovice.

Zvaničnik Minsitarstva za šumarstvo i vode u Manisi Ugur Bajil kaže da imaju aktivnosti unutar akcionog plana za pomenutu vrstu tulipana.

Prema njegovim riječima, cvijeće raste na devet lokaliteta u nacionalnom parku.

Bajil je upozorio na povećanu novčanu kaznu.

Ova vrsta tulipana cvjeta jednom godišnje, pretežno u martu i aprilu, a može da izdrži i temperature do 15 stepeni ispod nule. (AA)